تانريمي آپاردي، اؤزونمو گئتدين؟
سنسيزم، يالقيزام، تنهايام داها
تانريمي آپاردي، اؤزونمو گئتدين؟!
خبرين اولدومو باتدين گوناها،
تانريمي آپاردي، اؤزونمو گئتدين؟!
...من عشق دليسييديم-سئوداسي سندن،
ايندي آيريليقسان ساچيمدا دن-دن.
سن اؤزون گلميشدين، چاغيرماديم من،
تانريمي آپاردي، اؤزونمو گئتدين؟!
...كؤنول، سنه يئنديم، تك سنه بيل، سن،
آيريليق اؤلومدن بئتردي بيلسن...
ائي، مني تكلييه تاپشيريب گئدن
تانريمي آپاردي، اؤزونمو گئتدين؟!
وفاسيز يار
سئوگيليم، سن مني آتيب گئديرسن،
سئوينجي كدره قاتيب گئديرسن.
گئت آي وفاسيز، خوشبخت اولگينن
سن مني داش-قاشا ساتيب گئديرسن.
من سنينچون كئچرديم شيرين جانيمنان
سن مني سايماييب، نئجه گئديرسن،
گئت ائي وفاسيز يار، دؤنمه گئرييه
شيطان رؤياسيندا ياتيب گئديرسن.
ناكام سئوگيم
گؤرمور گؤزلريم سندن باشقا هئچ كسي
كور قويوب مني ناكام سئوگيمين نالهسي
داغ چكير سينهمه "اونوت مني" كلمهسي
آل بو جانيمي اونسوز كسيليب آرتيق نفهسي
ايزلهيير هر آن مني حسرتين قارا كؤلگهسي
بئزديريب گئجهلري قلبيمين فريادلي سسي
قوووب يوخولاريمي خيالينا دالماق هوسي
سنسن منيمچون عشقين ديَيشمز قيبلهسي.
من سنين يولونو گؤزلهيهجم
اللرين اليمه توخونمايينجا
تئللرين تئليمه قاريشمايينجا
سئوگيليم بوينوما ساريلمايينجا
من سنين يولونو گؤزلهيهجم
هارايا گئديرم گؤزلريمدهسن
دؤيونن قلبيمده سؤزلريمدهسن
من ايللر ايله گؤزلتسن ده سن
من سنين يولونو گؤزلهيهجم
سنسن ياشادان بو اورگي
سن اولماسان داغيلار دونيام
من هميشه سنين اوچون وفادارام
نه اولار بو سئوگييه قاتما حرام
سنسن ياشادان بو اورگي
سئوگي نه دير كي، منه قييمادين
ايندي او سئوگيدن هئچنه قالمادي
بو سئوگي منيم اوچون آرتيق يالاندي
سن ايدين ياشادان بو اورگي
من سئوهرم ايكيميزين يئرينه
بو سئوگيدن سن قورخورسان عيبي يوخ،
من سئوهرم ايكيميزين يئرينه
بو عشق اوچون بير گون دارا چكسهلر
من گئدهرم ايكيميزين يئرينه
مين عذابدير سنسيز كئچن هر گونوم،
اونوتموشام ياخشي-يامان فرقيني
بو سئوگينين داغ اريدن درديني،
من چكرم ايكيميزين يئرينه
گول دئييرم، گول قلبينه دَييرم،
من سنينچون تانري يازان شعرم،
دوداقلارين اينجيمهسين دئييرم،
من اؤپهرم ايكيميزين يئرين
مين عذابدير سنسيز كئچن هر گونوم،
اونوتموشام ياخشي-يامان فرقيني
بو سئوگينين داغ اريدن درديني،
من چكرم ايكيميزين يئرينه
طالعييمده سون آچيلان گولومسن
سوزوب قارا گؤزلرين كؤنلومسن
بو سئوگينين سونو اگر اؤلومسه،
من اؤلهرم ايكيميزين يئرينه
درديمي
يوخدور سندن اؤزگه كؤنول سيرداشيم،
سوروشا حاليمي، بيله درديمي.
گؤرمهديم فلهيين سئوينج پاييني،
منه هديهسي ائله درديمي؟
دونيا چوخلارينا بال دولو پتك،
عومروم آريلارين ”سانجديغي” چيچك.
ييغديم قوجاغيما قمي بير اتك،
يوكلهديم بوينوما شله درديمي.
ائي مني بو قدر توخ گؤرن آدام،
دويماديم بو درددن، يوخ، گؤرن آدام.
منه سئوينجيمي چوخ گؤرن آدام،
نه اولا چكمكدن اؤله درديمي.
ائلناره، بو فلك نامرددير يامان،
مرد اولان ايستهمز نامرددن آمان.
درديم اورگيمي بؤلدويو زامان،
اولا بير همدميم، بؤله درديمي.
آيريليق
او سون گؤروش، او سون ويدا،
ساليرسانمي مني يادا؟
آيريلاندا بير الويدا،
سؤيلهمهديك، سن ده، من ده.
سونو يوخ بو يالانلارين،
آچيلاجاق صاباحلارين،
آيري-آيري دونيالارين،
اينسانيييق، سن ده، من ده.
يازان يازيب يازيميزي،
كيم چكجك نازيميزي،
گل بو آيريليغيميزي،
قبول ائدك، سن ده، من ده.
