سئوگی
سئوگی،محبت،حسرت...
+0 به یه ن
یاییلیب : جمعه 28 خرداد 1395 | یازار : نژادمحمد | بؤلوم : نفرت | 0 باخيش لار

بیزی تلگرام دا ایزله یین

telegram.me/BilimYurdu



+0 به یه ن
یاییلیب : یکشنبه 28 اردیبهشت 1393 | یازار : نژادمحمد | بؤلوم : نفرت | 3 باخيش لار
سن دئییلم كی! 

بو گون سنی گؤرموشم ایچینده زر-لیباسین.  
اونلارامی ساتمیسان؟ ساخلاییر اورك یاسین.  
من قیصاص آلمالییام، سنین یوخدو قیصاصین،  
خیانتینی گؤرموشم، دای سئون دئییلم كی،  
آجیق وئرردیم سنه هئییف، سن دئییلم كی!  

اؤزگه‌سینه گئده‌رك گؤزلریمدن دوشموسن،  
سنی تانیمیرام من منیم اوچون اؤلموسن،  
یازیق، باشا دوشمه‌دیم - ایبلیسمیسن، گولموسن،  
هر شئیی آشكار ائله! بیل دؤنن دئییلم كی،  
آجیق وئرردیم سنه هئییف، سن دئییلم كی!  

ویجدانینلا تك قالیب خجالت چكمه‌دینمی؟  
بو سئوگی‌نین یولوندا گؤز یاشی تؤكمه‌دینمی؟  
یادیگار شكیللری دیواردان سؤكمه‌دینمی؟  
منه نییه باخیرسان؟ سئوینن دئییلم كی،  
آجیق وئرردیم سنه هئییف، سن دئییلم كی!  

بونو دئ هئچ اولماسا: نه اوچون آلداتمیسان؟  
"ملك" دئدیم ایبلیسسن اؤزونو تانیتمیسان.  
داها گلمه گئرییه آرزولار یانیتمیسان.  
آیریلدیغیمیز اوچون من اؤلن دئییلم كی،  
آجیق وئرردیم سنه هئییف، سن دئییلم كی!  

اومودلریم او گوندن سنینله باتدی، گئتدی.  
یولدان چكدیم گؤزومو بئله تئز نییه بیتدی،  
او ائده‌رك خیانت سئوگیده سونا یئتدی.  
سئومیرسن سئومه داها، دیلنن دئییلم كی،  
آجیق وئرردیم سنه هئییف، سن دئییلم كی!  

هر گون یادا دوشورسن آغریییر اورك نئجه!  
چكیلمزدیر حسرتین ایندی هر كئچن گئجه،  
بوتون هیسلر سنینله بیلكی چیخیبدیر هئچه،  
بیرده سنی دونیادا هئچ گؤرن دئییلم كی،  
آجیق وئرردیم سنه هئییف، سن دئییلم كی!  

یادیندامی دئیردین منی هئچ واخت بوراخما،  
اولاجاغیق بیز خوشبخت گؤزله بیر آز داریخما،  
اؤزون سئچدین قیسمتی بئله دالیمجا باخما،  
گئری دؤنمز او گونلر من او من دئییلم كی،  
آجیق وئرردیم سنه هئییف، سن دئییلم كی!


+0 به یه ن
یاییلیب : یکشنبه 14 اردیبهشت 1393 | یازار : نژادمحمد | بؤلوم : سن سیز | 0 باخيش لار
گؤزلریمله گؤروم 

ایستردیم بو سیرلی دونیانی گؤزلریمله گؤروم  
بنزه‌ییب مجنونا صحرانی گؤزلریمله گؤروم  
ایسته‌مزدیم بیر داها من چكیم عشقین عذابین  
آرزومدو بیر دلی سئودانی گؤزلریمله گؤروم  

گئجه‌لر یاتمایاندا خیالین قاتیر باشیمی  
ایندی بس من نئجه رؤیانی گؤزلریمله گؤروم  
وفالی یاریمی هئچ یوخومدا دا گؤرمه‌ییرم  
بس نئجه او گؤزو شهلانی گؤزلریمله گؤروم  

من بیر بولبول كیمی قفسده هئی چیرپینیرام  
یا ربّ آچ قفسی شیطانی گؤزلریمله گؤروم  
آغایام، اؤلوب گئتسم قلم اولار باش داشیم  
نه، قدر من ساغام میصراعنی گؤزلریمله گؤروم


+0 به یه ن
یاییلیب : جمعه 15 فروردین 1393 | یازار : نژادمحمد | بؤلوم : سئوگی | 2 باخيش لار
گلمیش ایدی 

گئجه خلوتجه بیزه سئوگیلی یار گلمیش ایدی، 
اوزو آیدان دا گؤزل نازلی نیگار گلمیش ایدی. 

تر آخیب گول یاناغیندان، بولود اؤرتموشدو آیی، 
اونو دوشمنمی قوووب، كؤنلو قوبار گلمیش ایدی؟ 

اونا من گؤز یئتیریب خلوتی باخدیم، باخدیم، 
اووچونون اوولاغینا كؤرپه شیكار گلمیش ایدی. 

اویویوب هر ایكیمیز راحت اولوب بیر یاتدیق، 
بختیمین باغچاسینا گوللو باهار گلمیش ایدی. 

دئدی: - گئتمك دمیدیر، سؤیله، نه ایسترسن یار؟ 
بیر اؤپوش ایسته‌دیم اوندان... یئری وار، گلمیش ایدی. 

آغلاییب گئتدی او یار، گؤز یاشی یاندیردی منی، 
اودلارا یاندی دیلیم، سانكی شرار گلمیش ایدی. 

ائی نظامی! - دئدی - بیردن آییلیب، گؤردوم او یوخ، 
دئمه رؤیادا بیزه چشمی-خومار گلمیش ایدی.


+0 به یه ن
یاییلیب : یکشنبه 27 بهمن 1392 | یازار : نژادمحمد | بؤلوم : سئوگی | 0 باخيش لار
الینله سؤندوردون، عشقین اودونو،  
قورو نفه‌سیمله آلیشاجاقمی؟  
بیر سئوگی دفن ائتدین، اورگیمده سن 
اورگیم سنینله باریشاجاقمی؟  

یاخشی كی، خیالین قانادلی ایمیش،  
عشقین سماسیندا هردن سوزورم.  
سندن كوسوب گئدن، كؤنول قاتاری  
بیر داها گئرییه قاییداجاقمی؟  

نه آغیر اوینادی طالعه اویونو،  
چوخ آغیر یوك آلتدا ایدی بوینومو.  
بیر سوال جاوابسیز قالدی دونیادا،  
ابدی محبت یاشایاجاقمی؟...


+0 به یه ن
یاییلیب : دوشنبه 16 دی 1392 | یازار : نژادمحمد | بؤلوم : حسرت | 0 باخيش لار
گئدیرسنسه گئت 

یارالی خسته‌یم یاردیما مؤحتاج،  
یاراما ملهه‌مین یوخوندورسا گئت.  
قلبیمده آتشلی سئوگی وار، آمما،  
بو اوددا یانماقدان قورخورسانسا گئت.  

سئویرم سؤیله‌دیم سنی سئونده،  
سنینسه سؤزلرین قالیبدیر سنده،  
داشدان هئیكل كیمی دورما اؤنومده،  
دئیه‌جك بیر سؤزون یوخوندوسا گئت.  

گؤزوم یاد باخیشلار گؤرور گؤزونده،  
بیلیرم بو گوناه دئییل گؤزونده،  
سنین عقیده‌‌نده، سنین اؤزونده،  
عهده صداقتین قالماییبسا گئت.  

بیز یولا چیخیریق حیات آدیندا،  
بو یولدا اولاجاق قار دا، بوراندا،  
هله باشلامادان، یولون باشیندا،  
بیر آددیم آتمادان یورولدونسا گئت.  

بو یولو سونادك گئده‌جه‌یم من،  
دوستلاردیر اومیدیم، تك دئییلم من،  
دئییرلر ان سوندا اومیددیر اؤلن،  
سن منیم اومیدیم دئییلسنسه گئت،  
سنه قال دئمیرم، گئدیرسنسه گئت.


+0 به یه ن
یاییلیب : چهارشنبه 20 شهریور 1392 | یازار : نژادمحمد | بؤلوم : نفرت | 1 باخيش لار

آغلاما اورگیم

بیلمزدین عذابلار چكجكسن سن،

بیلمزدین دیریلیب اؤله‌جكسن سن.

آغلاماقدان واللاه توكنه‌جیسن،

آغلاما اورگیم آغلاما داها.

قویما دوشمنلرین باخیب گولسونلر،

قویما درت سرینی اونلار بیلسینلر.

ایزین وئر گؤز یاشین دوستلار سیلسینلر،

آغلاما اورگیم آغلاما داها.



+0 به یه ن
یاییلیب : دوشنبه 17 تیر 1392 | یازار : نژادمحمد | بؤلوم : حسرت | 2 باخيش لار

عشقی-شیكایت

كولكلر حسرتی گتیردی منه،

بیر یارپاق میثالی تیترگیر قلبیم.

گؤزلریم باخدیقجا اؤتوب كئچنه،

قانادیم قیریلیر، قالماییر صبریم.

باهار چیچكلرله عومور بزه‌ییر،

من نییه بو قدر چیركین قالمیشام؟

سئوگینی بیلمه‌ین گزیب ایله‌نیر،

اینتیظار اودویلا صاباحلامیشام

بو شعر، میصراعلار قلبیمین سسی،

بو سسه بیر جاواب وئرمك اولارمی؟

یوللاریم بیتیبدیر، چاره قالماییب،

عونوانسیز منزیله گئتمك اولارمی؟



+0 به یه ن
یاییلیب : دوشنبه 13 خرداد 1392 | یازار : نژادمحمد | بؤلوم : نفرت | 1 باخيش لار

سن اولدون

قلبیم زده‌لنن، سینان بیر واختدا،

سن گلدین، قلبیمه ملهم سن اولدون

باشینا تاج قویوب، اوتورتدوم تاختدا

او تاجی كیرله‌دن، آتان سن اولدون.

قلبیمده شاهزادم بؤیوتدوم سنی،

اؤزونو قول ائدن یئنه سن اولدون

گؤزومده بیر پری گؤروردوم سنی

گؤزومو كور ائدن یئنه سن اولدون.

سئویرم دئییردین، پوچ اولدو عومروم،

عومرومو پوچ ائدن اینان سن اولدون.

ایستمیر سئوگینی قاچیر بو كؤنلوم

قاچماغی اؤیره‌دن بیل كی، سن اولدون.

بیلمه‌دین قدرینی بو صاف سئوگیمین،

یالانلا آلدادان، یالان سن اولدون

قیمتین اؤلدوردون اولوی عشقیمین

بو عشقه لكنی سالان سن اولدون.

بیر زامان یالانسیز دونیام اولموشدوم،

ایندی یالان جهنّمیم یئنه سن اولدون

سن منه یالانچی، شور‌گؤز دئییردین،

منه یالان دئین ائله سن اولدون

بلكه ده سئوگیمه اینانمادین سن،

آمما كی، سئویرم، دئین سن اولدون

بلكه ده یالاندان اوتانمادین سن

آمما یالان دئمه ائدین سن اولدون.



+0 به یه ن
یاییلیب : جمعه 23 فروردین 1392 | یازار : نژادمحمد | بؤلوم : حسرت | 2 باخيش لار

عشقی-شیكایت

كولكلر حسرتی گتیردی منه،

بیر یارپاق میثالی تیترگیر قلبیم.

گؤزلریم باخدیقجا اؤتوب كئچنه،

قانادیم قیریلیر، قالماییر صبریم.

باهار چیچكلرله عومور بزه‌ییر،

من نییه بو قدر چیركین قالمیشام؟

سئوگینی بیلمه‌ین گزیب ایله‌نیر،

اینتیظار اودویلا صاباحلامیشام

بو شعر، میصراعلار قلبیمین سسی،

بو سسه بیر جاواب وئرمك اولارمی؟

یوللاریم بیتیبدیر، چاره قالماییب،

عونوانسیز منزیله گئتمك اولارمی؟



یارپاق لار : 1 2 3 4 5 6 .. 7


Powerd By : ARZUBLOG.COM Theme Designer : Blogskin.ir