یوخو
یوخودا گؤردوم كی،سئومیرسن منی،
باتان آرزولاریم پوچدور ناحاققدیر.
طالعییم سؤیله‌ییر كؤنلوم دئیه‌نی،
اللرین گؤزلرین مندن اوزاقدیر.
یوخودا گؤردوم كی، دوداقلاریندا،
منیم آدیم دئییل باشقا بیر آد وار،
عومرومون معنالی بو گنج چاغیندا،
منه دؤنوك چیخدی وفا اعتبار.
آییلدیم یوخودان قارالدی گؤزوم،
بورودو قلبیمی تنهالیق، قورخو.
دوشدو خاطیریمه سنین بو سؤزون،
عزیزیم ترسینه یوزولار یوخو.
یوخوما گلسیدین عذابلاریملا،
منیم چكدیگیمی سن تابلامازدین.
سئودیگین سئوسیدی سنی منیم تك،
اؤز ناكام عشقیمه من آغلامازدیم.
یوخوما گلسیدین اگر بیر آخشام،
دئیردیم قوی یوخوم ابدی اولسون،
من چپر چكردیم كیپریكلریمی،
یوخوما قویمازدیم داها هئچ كیمی.
آرديني اوخو
سئوه بیلمیرم
هردنبیر قایناییر یادلارا قانیم
هردن ده قیریلیر اولان گومانیم
چوخدور سسله‌یه‌نیم چوخدور اومانیم
بیر سندن اومیدی اوزه بیلمیرم.
ظلمت گئجه‌لره قاریشسام دا من
كوسكون قیسمتیمله باریشسام دا من
هر یئری گزسم ده دولاشسام دا من
سن كئچن یئرلری گزه بیلمیرم.
ساختا تبسسومون یوخ اولسا بئله
یالان محبتین اوخ اولسا بئله
"سئویرم" دئیه‌نیم چوخ اولسا بئله
سن دئین یالانی دئیه بیلمیرم.
سئوگییه الویدا سؤیله‌سم ده من
نملی گؤزلریمی گیزله‌سم ده من
سندن قیصاص آلماق ایسته‌سم ده من
سندن اؤزگه‌سینی سئوه بیلمیرم.
آرديني اوخو
من سئون كیمی
سنی سئون قلبی نه اوچون یاردین؟
اونو دا اؤزونله بیرگه آپاردین.
منی آغلاتماقدان لذت آلاردین.
بایرام ائیله‌یرسن من اؤلن كیمی.
اگر سئوینج كدر اولسا تن سنه.
وار دؤولت وئریلسه قفلتن سنه.
عیبی یوخ داریخما بیر گون من سنه.
باخیب گوله‌جه‌یم سن گولن كیمی.
منی اؤلدورون سسینی كسین.
عذابلا یاشاسین بو سون نفه‌سین.
منی سئومه‌سن ده سئوسن اؤزگه‌سین.
سنی سئومه‌یه‌جك من سئون كیمی.
آرديني اوخو
وفاسیز
وفاسیز هئچ وفان یوخمودور سنین؟
سینه‌نین آلتیندا داشمیدیر سنین؟
گؤزلری یاشلیدیر سنی سئوه‌نین،
نه اولار گئرییه دؤنمه وفاسیز.
اونسوزدا گئرییه دؤنمه‌یه‌جه‌یم،
اولكی تك سنی سئومه‌یه‌جه‌یم،
بیر ده اوزونه گولمه‌یه‌جه‌یم،
نه اولار گئرییه دؤنمه وفاسیز.
ساغالدا بیلمیردین نه اوچون قاناتدین؟
سیله بیلمیردینسه نه اوچون آغلاتدین؟
منه یالنیز خاطیره‌لر بوراخدین،
نه اولار گئرییه دؤنمه وفاسیز.
آرديني اوخو
آرخادا قالاجاق بیری
بیر عشق اویوندور باشیمدان كئچن،
هئچ زامان آچیلماز سئوگی‌نین سیرری.
گوناهكار من دئییل اؤزگه‌سین سئچن،
گئدیرم، آرخادا قالاجاق بیری !
سئوگی‌نین اودوندا عذابلار چكدیمیش،
بیلمه‌دیم اؤلویم، یوخسا من دیری،
گئجه‌لر اونون اوچون گؤز یاشی تؤكدوم.
گئدیرم، آرخادا قالاجاق بیری!
قلبیمه گؤمموشم قالماییب ایزی،
سئودیم خیانتسه عشقیم گلیری!
قورودو وفاسیز سئوگی دنیزی،
گئدیرم آرخادا قالاجاق بیری!
عومور بویو گؤزون قالسین یوللاردا،
عشقیم چئویرردی موما دمیری،
خوشبخت اول بی وفا اؤزگه قوللاردا،
گئدیرم آرخادا قالاجاق بیری!
آرديني اوخو
وفاسیز گؤزل
سئوگیمه بودورمو سنین جاوابین؟
من سنی سئویردیم جانیمدان آرتیق.
یامان سؤنوك دوشوب آلووون-اودون،
من ایسه اولموشام سئوگیمه صادق.
بودورمو سئوقییه وئردیگین قییمت،
بودورمو عشقیندن منه پای گؤزل؟
سئوگیدن یارانیر سئونه حؤرمت،
سن نییه آلداتدین، منی، آی گؤزل!
ندندیر ایندی سن سئومیرسن منی؟
عشقینه یانانی گل آتما، گؤزل.
بئله اوجوز توتما سنی سئوه‌نی،
سئومیرسنسه منی آلداتما، گؤزل.
اگر بیلسیدیم من ازلدن بری،
سئوگیمه وئرمیسن بو جور قییمتی.
تؤكمزدیم بیر بئله شیرین دیللری،
وفاسیز گؤزه‌لی سئومزدیم قطعی.
آرديني اوخو
داها سئوگییه اینانمیرام من!
شاعر كیمی قله‌مه ساریلیرام
هیسلریمی بو ورقه یازیرام
ایلك سؤزومو بونونلا باشلاییرام
داها سئوگییه اینانمیرام من!
دردیمی سنینله بؤلوشورم من
بضا اؤز-اؤزومله دؤیوشورم من
یئنه حاقسیزلیقلا گؤروشورم من
داها سئوگییه اینانمیرام من!
منیم یولوم حاق عدالت یولودور
كؤنلوم بیر گول تك سارالیب سولوبدور
اورگیمه بولاق كیمی دولوبدور
داها سئوگییه اینانمیرام من!
سئوگی شربتینی ایچه بیلمه‌دیم
سئودیگیم گوللری بیچه بیلمه‌دیم
ایللر گلیب-گئتدی نئجه بیلمه‌دیم
داها سئوگییه اینانمیرام من!
سنی سئوگیمده دونیا سانمیشام
اؤزومو ایتیریب سنی تاپمیشام
سنین ایله سنسیز ائله یانمیشام
داها سئوگییه اینانمیرام من!
هر آن دوشونورم سنی آنیرام
عشقیندن شام تك یانیرام
سنسیز سنلی گونلریمی سانیرام
داها سئوگییه اینانمیرام من!
تنها آغاج تك سنسیز قالمیشام
كؤورلمیشم خیاللارا دالمیشام
اؤتن گونلریمی یادا سالمیشام
داها سئوگییه اینانمیرام من!
سئوگیسینی سؤیله‌ین بیرینجی گؤزدور
عشقین اورگیمده نغمه‌دیر، سوزدور
بوتون آجی سؤزلرین سینمده كؤزدور
داها سئوگییه اینانمیرام من!
حیات یوللاریندا گزیدیك قوشا
بو عومرو سئوینجله وورایدیق باشا
قورویایدیق سئوگیمیز دیَمه‌سین داشا
داها سئوگییه اینانمیرام من!
ائی اولو تانریمیز! كؤمك اول بیزه
قوی بو صاف عشقیمیز گلمه‌سین گؤزه
قورخورامكی، دوشك صؤحبته-سؤزه
داها سئوگییه اینانمیرام من!
دؤیسم قاپینی بیر شیطان كیمی
چیخاردینمی یولوما بیر ملك كیمی؟
اؤپوم تئللریندن بیر چیچك كیمی
داها سئوگییه اینانمیرام من!
قارا گؤزلرینده گوزگولنیدیم
شیرین سؤزلرینده مورگولنیدیم
یئنه من یوماردیم سن گیزلنردین
داها سئوگییه اینانمیرام من!
یازدیغیم مئساژلار كونتورداندا دیَرلی
گؤزلریمه باخیشلارین بیر-بیریندن كدرلی
نئینئییم كی، یازیرام بونلاری قملی-قملی
داها سئوگییه اینانمیرام من!
گؤزللیگین یاییلیبدیر بیگ.آزا
آدام بیلمیر بونو شعره نئجه یازا
كیمین جورتی چاتار بو سئوگینی پوزا
داها سئوگییه اینانمیرام من!
سؤزلرینله قورورومو سیندیریرسان سن
ایمكان وئرمیرسن اورگیمی آچیم من
قبول ائدیرسن ائت، باخ بئله یم من
داها سئوگییه اینانمیرام من!
كوبود سؤزلرین هئچ واخت بیتمیر
كینلی گؤزلرین خیالیمدان هئچ گئتمیر
اینانكی بونلار آرتیق اهمیت كسب ائتمیر
داها سئوگییه اینانمیرام من!
جنّته ایكی اینسان اوچون گئدیرم
بیر آنامی، بیرده سنی سئویرم
آخیرینجی سؤزلریمی دئییرم
داها سئوگییه اینانمیرام من!
آرديني اوخو
اونوتموسان منی
گل منیم دلی سئوگیلیم،
دوغرا منی دیلیم-دیلیم.
اونوتموسانسا دئ بیلیم،
بیلیم، اونوتموسان منی.
نئجه اونودا بیلمیسن؟
یالواریرام منه دئنن
من ده سنی اورگیمدن
سیلیم، اونوتموسان منی.
سن كامانسان، منسه تارام
سن سوسورسان، یا من كارام؟
بس دئییردین "اونوتمارام"
گولوم، اونوتموسان منی
قوی سون كس باخیم گؤزونه
سون نفسده بو آرزو نه؟
قویوب باشیمی دیزینه
اؤلوم، اونوتموسان منی
آرديني اوخو
