باغیشلا منی
گوناهیم سئومكدیرسه باغیشلا منی
بیر گون ترك ائده‌رم گولوم، من سنی.
اولموشام عشقیندن من آرتیق دلی
گوناهیم سئومكدیرسه باغیشلا منی!
عشقیندیر حیاتدا یاشادان منی،
عشقسیز اینسانین نه دردی قمی؟
اولموشام عشقی‌نین بو گون اسیری
باغیشلا سئوگیلیم باغیشلا منی!
گول تك قوینوندا سارالیب سولدوم
بو عشق یولوندا من هلاك اولدوم.
سنی سئوركن سئویلمز اولدوم
باغیشلا سئوگیلیم باغیشلا منی!
گونش تك قلبیمه نور اله‌دین سن
گؤیلرده سایریشان بیر اولدوزام من.
قلبینده آجی تك یاشاییرام من
باغیشلا سئوگیلیم باغیشلا منی!
سنه وورولان او گوندن بری
یاشاییر قلبیمده هیجران قمی
چاتیب سئوگیمیزین آیریلیق دمی
باغیشلا سئوگیلیم باغیشلا منی!
آیریلیق
او سون گؤروش، او سون ویدا،
سالیرسانمی منی یادا؟
آیریلاندا بیر الویدا،
سؤیله‌مه‌دیك، سن ده، من ده.
سونو یوخ بو یالانلارین،
آچیلاجاق صاباحلارین،
آیری-آیری دونیالارین،
اینسانیییق، سن ده، من ده.
یازان یازیب یازیمیزی،
كیم چكجك نازیمیزی،
گل بو آیریلیغیمیزی،
قبول ائدك، سن ده، من ده.
گؤزلری‌نین یاشینی سیل آغلاما
بیلیرم چتیندیر سندن آیریلماق
گؤزلری‌نین یاشینی سیل آغلاما.
سنه ده عذابدیر منسیز تك قالماق،
گؤزلری‌نین یاشینی سیل آغلاما.
سئوینجلی، كدرلی گونلر گؤرموشوك،
دردیمیز بیر اولوب بیرده بؤلموشوك.
بیز بیر-بیریمیزدن آیری قالمیشیق،
گؤزلری‌نین یاشینی سیل آغلاما.
بیلیرم یانیمدا اولمایاجاقسان،
بلكه ده سن منی اونوداجاقسان.
قبریمین اوستونده آغلایاجاقسان،
گؤزلری‌نین یاشینی سیل آغلاما.
سن منی گؤروب دلی اولاجاقسان،
حالیما بیر باخیب سن دوناجاقسان.
منیم یئریمه سن قوجالاجاقسان،
گؤزلری‌نین یاشینی سیل آغلاما.
بیر چتین یولدو عذابدی محبت،
گوندوزو پیس گونه قویدو محبت.
منی باخ بو حالا سالدی محبت،
گؤزلری‌نین یاشینی سیل آغلاما.
آرديني اوخو
سئچیم و خوشبختلیك
بیرینی سئویرسن جانیندان آرتیق،
بیر ده گؤرورسن كی، ائتدی خیانت.
قارشیدا بیر یول وار، آنجاق آیریلیق،
قارشیدا سئچیم وار: نیفرت، محبت.
سئچسن محبتی، قوروردان ال چك،
قورور اولان یئرده محبت نه دیر؟!
قلبینده بؤیوسون گیزلی بیر چیچك،
كیم نه دئییر-دئسین، بوش افسانه‌دیر.
ویجدانین آغلاسا، سئچسن نیفرتی،
اونوت او سئوگینی، او محبتی،
یولونوز، قلبینیز اولسون تام آیری،
آرزولار، اومیدلر، ایستك-كام آیری.
آغلینلا، فیكرینله سئچ بیر گؤزل قیز،
بلكه خوشبختلیگی سن تاپدین اوندا.
بلكه ده آخیردا قالاجان یالقیز،
خوشبختلیك بدبختلیك اولاجاق سوندا.
یوخ...بئله یاشاماق دئییلدیر حیات،
حقیقی حیاتلار قلبله یاشانیر.
دایما قلبی‌نین درینینه بات،
گؤر اورك ایسته‌ییر، یوخسا كی دانیر...
هر زامان قولاق آس قلبین سسینه،
اونوت دوشونمیی، سن بوش وئر باشا.
باخما كئچمیشینه، گله‌جه‌یینه،
بو آندا اولانی بو آندا یاشا.
خوشبختلیك دئییلدیر یاخشی یاشاماق،
خوشبختلیك اوركله یاشاماقدادیر.
خوشبختلیك عاغیللا دایم چارپیشماق،
خوشبختلیك حیاتلا ووروشماقدادیر...
آرديني اوخو
چیخیب گئتدین یئنه تنها قالمیشام
بو سئوگیدن اؤز پاییمی آلمیشام
اللریمده شكیللرین دونموشام
او "آیریلیق" دئدیكلری بودومو؟
باخار گؤزلریمه، گؤزون اوتانار
اورگین گئت دئیر، اوزون اوتانار
آیاغین تیتره‌یر، دیزین اوتانار
آتاممازسان منه طرف آددیمی
بیر گون قوپار آیریلیغین تیلسیمی
آنلایارسان سنه اولان سئوگیمی
سویوقدان تیتره‌ین قیزیلگول كیمی
دوداقلارین پیچیلدایار آدیمی
حیات بیر ده كؤرپه باغیشلار سنه
گئجه‌لری آغلایاراق ترپنر
بو شعریمی لایلا دئییب كؤرپنه
هزین سسین پارچالایار روحومو
دئمه‌كی نه واختسا اونودار منی
اونودوب سئوه‌جك بیر اؤزگه‌سینی.
بو بئله اولماییب اولمایاجاقدیر
تاپیلماز او كسی كی وئره یئرینی.
سنینله آچیلار هر گون سحریم.
سنین تسللینله بیتر كدریم.
ایستی نفه‌سینله یاشاییرام من
خاطیره اولاراق قالسین سؤزلریم.
نئیله‌ییم كی.سئویرم.
سنسیز قالا بیلمیرم
اگر اولسا آیریلیق
بو دونیادان كؤچه‌رم.
سانما كی، آیریلدین ایتدی بو سئوگی
سن گئتدین سنینله گئتدی بو سئوگی
كؤك آتدی، قلبیمده بیتدی بو سئوگی
سن منیم قلبیمده یاشایاجاقسان
سنینچون آچیلار یئنی بیر صاباح
منیمله قالاجاق بو كدر بو آه
اولسان دا اؤزگه‌نین قیسمته بیر باخ
سن منیم قلبیمده یاشایاجاقسان
اوزسن ده الینی الیمدن ایندی
بو ال ده، بو جان دا، روح دا سنیندی
سندن آیریلماقمی؟ یوخ بو چتیندی
سن منیم قلبیمده یاشایاجاقسان
یاندیردین قلبیمده سؤنمز بیر اوجاق
اود توتوب بو اورك، دایم یاناجاق
اؤلدون حیاتیمدا سئوگیلیم آنجاق
سن منیم قلبیمده یاشایاجاقسان
اولمایایدی تصادف قارشیما سن چیخاسان،
گؤزلریم باخمایایدی او پارلایان گؤزونه.
سئومه‌دیم كی، سئوگیمه كینایه‌لی باخاسان،
سئودیم كی، هئچ كیمه یوخ، قیبته ائدیم اؤزومه.
محبتین اؤنونده اییلیب آلچالینجا،
سویوق بیر اولدوز اولوب گؤزلرینده سؤنیدیم.
گله‌جه‌یه اینانیب وعده‌سیز قوجالینجا،
سنی گؤردویوم گونون دونه‌نینه دؤنیدیم!
ایشیقلی دونیام ایندی دؤنوب اولوب قارانلیق،
تلسدین سؤندورمه‌یه قلبیمده‌كی اوجاگی!
ترسینه فیرلانسایدی یئرین اوخو بیر آنلیق،
گئرییه دؤندرردیم ایلك فورصتده او چاگی!
سن-عومرومه یازیلمیش معنالی بیر صحیفه،
كئچمیشیمه یازیلمیش آجی خاطیره‌لرسن!
سنه اولان سئوگیدی عومرومه اؤمور وئرن،
سنسه سئوه بیلمه‌دین... داها اؤزون بیلرسن
