تانریمی آپاردی، اؤزونمو گئتدین؟
سنسیزم، یالقیزام، تنهایام داها
تانریمی آپاردی، اؤزونمو گئتدین؟!
خبرین اولدومو باتدین گوناها،
تانریمی آپاردی، اؤزونمو گئتدین؟!
...من عشق دلیسییدیم-سئوداسی سندن،
ایندی آیریلیقسان ساچیمدا دن-دن.
سن اؤزون گلمیشدین، چاغیرمادیم من،
تانریمی آپاردی، اؤزونمو گئتدین؟!
...كؤنول، سنه یئندیم، تك سنه بیل، سن،
آیریلیق اؤلومدن بئتردی بیلسن...
ائی، منی تكلییه تاپشیریب گئدن
تانریمی آپاردی، اؤزونمو گئتدین؟!
