سئوگی
سئوگی،محبت،حسرت...
+0 به یه ن
یاییلیب : یکشنبه 26 دی 1389 | یازار : نژادمحمد | بؤلوم : سئوگی | 0 باخيش لار
اؤل، اؤله بیلسن!
 
ایسته‌دیم آدینی قلبیمدن سیلیم
روحوم فریاد چكدی، تیتره‌دی الیم
من سنی اونودا بیلمه‌دیم گولوم
سن منی قلبیندن سیل، سیله بیلسن
 
تنهالیق سیرداشیم اولدو بئله‌جه
گؤز یاشیم خاتیرلار سنی هر گئجه
آخار هزین-هزین، آخار سسسیزجه
سن منه اوخشاما، گول، گوله بیلسن
 
اؤلدو بو لیماندا بیر دنیز عشقی
اونوت بو سئوگینی، بو تمیز عشقی
تئز اونوت عزیزیم! بو عزیز عشقی
داها باشقاسییلا بؤل، بؤله بیلسن
 
او گون كی، "الویدا" سؤیله‌دین، اؤلدوم
مندن آیریلدیغین همین گون اؤلدوم
من سنی سئومیشدیم سنینچون "اؤلدوم"
سن ده سئودیگینچون اؤل، اؤله بیلسن
 
 
یارپاق لار :


Powerd By : ARZUBLOG.COM Theme Designer : Blogskin.ir