Mən sevən kimi

Səni sevən qəlbi nə üçün yardın?

Onu da özünlə birgə apardın.

Məni ağlatmaqdan ləzzət alardın.

Bayram eyləyərsən mən ölən kimi.

Əgər sevinc kədər olsa tən sənə.

Var dövlət verilsə qəflətən sənə.

Eybi yox darıxma bir gün mən sənə.

Baxıb güləcəyəm sən gülən kimi.

Məni öldürün səsini kəsin.

Əzabla yaşasın bu son nəfəsin.

Məni sevməsən də sevsən özgəsin.

Səni sevməyəcək mən sevən kimi.